Presidential

‘पाँच नम्बर टुक्र्याउन मिल्दैन, महन्थ ठाकुरहरुले मीर जाफरको भूमिका निर्वाह गरिरहेका छन्’

‘पाँच नम्बर टुक्र्याउन मिल्दैन, महन्थ ठाकुरहरुले मीर जाफरको भूमिका निर्वाह गरिरहेका छन्’

नवलपरासीबाट निर्वाचित सांसद वैजनाथ चौधरी प्रदेश नम्बर पाँचलाई अलग गर्ने प्रस्तावमा कुनै औचित्य नरहेको बताउँछन् । उक्त प्रस्तावलाई ‘भारतको इसारामा आएको’ बताउने उनी ‘केही मीर जाफरहरुका कारण देश ढुब्न लागेको’ सुनाउँछन् । नेकपा (एमाले) का केन्द्रीय सदस्यसमेत रहेका चौधरीसँग पहिलो न्युज डटकमले गरेको कुराकानीः

० पछिल्लो समय संविधान संशोधनको विषयले निकै चर्चा पाएको छ । यसलाई कसरी लिनुभएको छ ?

यो विना मौसमको वाजा हो । हामीले तीन चरणका निर्वाचन ०७४ माघ ७ भित्र सम्पन्न गर्नुपर्ने छ । निर्वाचन सम्पन्न भएमा मात्रै हामीले मुलुकलाई संविधान कार्यान्वयनको चरणमा लैजान सक्छौँ । त्यसैले अहिले सरकारले गर्नुपर्ने निर्वाचनको तयारी, निर्वाचनको घोषणा र त्यसका लागि आवश्यक ऐन–कानुन तर्जुमातिर जानु पर्ने हो । तर, अहिले सरकारले त्यसो गरिरहेको छैन । बरु उसले संविधान संशोधनको विषय उठाएर वेमौसमको बाजा बजाइरहेको छ । अहिलेको सरकार गर्नुपर्ने कामतिर भन्दा पनि गर्नु नहुने कामतिर बढी आकर्षित भएको छ । यो सकारात्मक कुरा होइन ।

० अहिले सबैभन्दा बढी विवाद प्रदेश नम्बर पाँचको सिमाना हेरफेर गर्ने विषयमा देखिएको छ । तपाईं त्यही क्षेत्रको जनप्रतिनिधि भएकाले के भन्नुहन्छ ?

प्रदेश नम्बर पाँच कुनै विवादित प्रदेश होइन । म अहिले यो प्रदेश हेरफेर गर्नुपर्ने कुनै कारण देख्दिनँ । यो प्रदेश नम्बर पाँचका जनताको पनि माग होइन । किन सरकारले यो काम गरिरहेको छ ? मैले पनि बुझेको छैन ।

अहिलेको विवाद भनेको झापा, मोरङ, सुनसरी, कैलाली र कञ्चनपुरको हो । संविधान जारी हुँदा पनि प्रदेश नम्बर पाँचका जनताले दीपावली गरेका हुन् । यस्तो प्रदेश किन हेरफेर गर्न खोजिदैँ छ ? प्रदेश नम्बर पाँचका कुनै पनि जनताले हामी प्रदेश नम्बर पाँचमा बस्दैनौँ भनेको मलाई थाहा छैन । त्यति मात्र होइन, अहिले संविधान संशोधनको प्रस्ताव ल्याउने दल नेकपा (माओवादी केन्द्र) र नेपाली कांग्रेसका नेताहरु पनि प्रदेश नम्बर पाँच विभाजन गर्ने पक्षमा हुनुहुन्न । माओवादीका टोपबहादुर रायमाझी, कांग्रेसका चन्द्र भण्डारीलगायतले त संसद्मा ‘फ्लोर क्रस’ गर्ने चेतावनी दिइसक्नुभएको छ । त्यसकारण पनि यो संशोधन प्रस्ताव सरकारले किन ल्यायो भन्ने सबैमा शंका पैदा भएको छ । अर्को ठाउँबाट दवावमा आएर प्रदेश नम्बर पाँचलाई विभाजन गर्ने कुरा हामीलाई मान्य हुँदैन । लाखौँ जनता अहिले सडकमै ओर्लिएर त्यसको विरोध गरिरहेकाले पनि यो उचित छैन भन्ने हाम्रो निष्कर्ष हो ।

० यदि सरकारले संशोधन प्रस्ताव फिर्ता लिएन भने पारित हुने संभावना कत्तिको देख्नुहुन्छ ?

मैले अघि पनि भनेँ– कांग्रेस–माओवादीकै नेताहरु अहिले संशोधनका विपक्षमा छन् । एमाले त अहिले होइन, पहिलादेखि नै त्यसको विरोधमा छ । केही साना दल पनि अहिले संशोधनको विरोधमा छन् । अनि कसरी पारित हुन्छ यो ? कुनै हालतमा पनि हुँदैन । त्यसैले सरकार अहिले नगर्ने काम गरेर देशलाई मुठभेडतिर लैजादैँछ । mahanta

० अहिले एमालेले सरकारको कदमलाई ‘राष्ट्रघाती’ भनेर उत्तेनजना फैलाउन खोजेको छ भन्ने आरोप मधेस केन्द्रित दल र कांग्रेस छ नि ?

एमालेले औपचारिक रुपमै राष्ट्रघाती कदम भनेको छैन । तर, जुन ढंगले अहिले प्रदेश हेरफेर गर्ने काम भएको छ, त्यो गलत र अरुको इशारामा भएको छ भन्ने चाहीँ एमालेको ठहर हो । समृृद्धि र सामथ्र्यका हिसावले पनि प्रदेश नम्बर पाँच निकै उचित छ । यो प्रदेशलाई हेरफेर गर्नु हुँदैन भन्ने एमालेको मात्र होइन, त्यहाँको जनताको भावना हो । हिमालदेखि तराईसम्म मिलेर बसेको प्रदेश विभाजन गर्ने कुरा उचित छैन । हामीले भन्न खोजेको यही हो । अहिले पहाडबाट प्रदेश नम्बर पाँचलाई अलग गरेर थारु वा अन्य समुदायको प्रतिनिधित्व हुने गरी प्रदेश बनाउने भनेमा त्यो पनि सम्भव छैन । यो प्रस्ताव नै गलत छ ।

जहाँसम्म राष्ट्रघाती भन्ने सन्दर्भ छ, पहाडबाट तराई अलग गर्ने वित्तिकै राष्ट्रघात भयो भन्ने पक्षमा हामी छैनौँ । यसो भन्यौँ भने प्रदेश नम्बर दुई त तराईसँग मात्र जोडिएको छ । त्यो राष्ट्रघाट भयो त भन्ने प्रश्न उठ्छ । त्यो त होइन न नि ? त्यो हामीले नै बनाएको हो । जातीय सद्भाव र समृद्धिका हिसावले चाहिँ गलत छ ।

० बाहिरको हात छ भनेर तपाईंले भारतप्रति इंगित गर्न खोज्नुभएको हो ?

मधेसी नेताहरुलाई भारतीय दूतावासमा बोलाएर दिइने ‘डिनर’ले त्यही कुराको संकेत गर्छ । त्यति मात्र होइन, भारतले गरेको अनावश्यक हस्तक्षेपले पनि त्यही कुराको संकेत गर्छ । यो हाम्रो देशका लागि दुर्भाग्य हो । हाम्रो आन्तरिक मामिला हामी आफैँले मिलाउने हो, अरु कसैले होइन । हामीले अरुलाई मिलाउन दियौँ भने समस्या हुन्छ ।

० तपाईँहरुका पार्टी अध्यक्ष केपी शर्मा ओलीले ‘नेपालमा धेरै मीर जाफर जन्मिएका छन्’ भनेर के संकेत गर्न खोज्नुभएको हो ?

सिके राउत जस्ता व्यक्तिले तराई छुट्टै राज्य हो भन्दै खुल्मखुला नेपालमाथि धावा बोल्दै आएका छन् । उनीहरुलाई हामीले के भन्ने ? देशलाई नै अलग गर्नुपर्छ भन्ने सिके राउत प्रवृत्तिको हामीले खुलेर विरोध गर्नुपर्छ । अहिले मधेसी दलहरुमा पनि केही व्यक्ति मीर जाफर प्रवृत्तिका देखिएका छन् । नामै लिएर भन्दा महन्थ ठाकुरको अभिव्यक्तिले त्यस्तो देखाएको छ । उहाँले मधेस र पहाड अलग राष्ट्र हो भनेर अभिव्यक्ति दिनुलाई के भन्ने ? यसले देशलाई विखण्डन गर्छ । राष्ट्रिय एकता, राष्ट्रि समृद्धिका लागि यो गलत कुरा हो । नेपाल बहुराष्ट्र होइन । यस्तो अभिव्यक्ति दिनेलाई राज्यले निर्मर भएर व्यवस्थापन गर्नुपर्छ ।

3 पटक पढिएको

    
        Loading...     
    

प्रतिक्रिया दिनुहोस

सम्बन्धित समाचार

        
            Loading...     
        

    अन्तरवार्ता

    समाचार