आन्दोलनमा उत्रिएको राप्रपा र सरकारबीच वार्ता, यी विषयमा भए छलफल


काठमाडौं, १० वैशाख । धर्मनिरपेक्षबारे जनमतसंग्रहलगायत २२ बुँदे माग राखेर आन्दोलनमा उत्रिएको राप्रपा र सरकारबीच वार्ता भएको छ ।
मंगलबार दिउँसो कानुन, न्याय तथा संसदीय मामिला मन्त्रालयमा सरकार र आन्दोलनरत राप्रपाबीच वार्ता भएको हो । वार्तामा सैद्धान्तिक र जनजीविकासँग सम्बन्धित कुरा छलफल भएको राप्रपाका प्रचार विभाग प्रमुख मोहन श्रेष्ठले बताए।

वार्तामा राजनीतिक विषयले प्रवेश पाए पनि निष्कर्षमा भने नपुगिएको श्रेष्ठले बताए।

वार्तामा सरकारी टोलीका संयोजक कानुनमन्त्री भानुभक्त ढकालले संघीय लोकतान्त्रिक गणतन्त्र अतिक्रमित हुने मागमा पुनर्विचार गर्न आग्रह गरेका थिए।

राप्रपाको तर्फबाट वार्ता टोली संयोजक दीपक बोहराले सैद्धान्तिक विषयमा पुन छलफल गर्ने सहमति गर्दै पहिलो वार्ता सकिएको बताए। सरकारसँगको वार्तापछि राप्रपाले आन्दोलनका कार्यक्रम तत्काललाई स्थगित गरेको छ।

बैठक अर्को हप्ता पुन बस्ने बताइएको छ।

प्रतिक्रिया दिनुहोस्