ओलीको सडकबाटै प्रश्न– ‘संविधानका पाना काट्नेहरुलाई अहिले किन संविधान संशोधन चाहियो ?


२२ पुस । नेकपा एमाले अध्यक्ष केपी शर्मा ओलीले ०७४ माघ ७ गतेसम्म संविधान कार्यान्वयन नभए संवैधानिक संकट आउने भन्दै सरकारलाई समयावधी भित्रै संविधान कार्यान्वयन गर्ने वातावरण निर्माण गर्न सुझाव दिएका छन् ।

सरकारलाई संविधान संशोधन विधेयक फिर्ता लिन र तत्काल निर्वाचनको मिति घोषणा गर्न दबाब दिने उद्देश्य नेकपा (एमाले) सहित व्यवस्थापिका–संसद्मा प्रतिनिधित्व गर्ने नौ राजनीतिक दलले बृहद् जनप्रदर्शनमा यस्तो सुझाव दिएका हुन् ।

ओलीले कुनै समय संविधानका पानाहरु काट्नेहरु नै अहिले संविधान संशोधन गर्नु पर्ने भन्दै आएको भन्दै त्यहाँ गम्भीर षडयन्त्र लुकेको आरोप लगाए । उनले संविधान संशोधनका नाममा राष्ट्रियतालाई आघात पार्ने काम भैरहेको पनि उनले जिकिर गरे ।

‘अहिले तासको पत्ती खेलाए जसरी संशोधनका नाममा राष्ट्रियतालाई आघात पार्ने काम भैरहेको छ,’ उनले भने, ‘हामी त्यसलाई असफल बनाउँछौँ ।’

प्रतिक्रिया दिनुहोस्