जनकपुरधाम– प्रहरी र प्रदर्शनकारीबीच झडपका कारण जानकी मन्दिर क्षेत्र तनावग्रस्त बनेको छ ।


पाण्डे बहुचर्चित युनिटीकाण्डमा पनि मुछिएका थिए । युनिटीको धन्दा फस्टाइरहेका बेला ‘चार करोड रुपैयाँ र एउटा रेन्ज रोभर गाडी नदिएमा युनिटीको धन्दा बन्द गराउने धम्की दिँदै मोलमोलाइ गरेर पैसा असुलेको’ आरोप उनीमाथि लागेको थियो । अर्थमन्त्री हुँदा पाण्डेले पाँच करोड नगद र अन्य जिन्सी सामान युनिटीसँग लिएको आरोप स्वयं एमालेकै कार्यकर्ताले लगाएका थिए । एमाले धौलागिरी अञ्चल समन्वय कमिटी सदस्य कृष्ण पाठकले ०७० वैशाख १५ गते एमाले स्थायी समितिको बैठक चलिरहेकै बेला पार्टी अध्यक्ष झलनाथ खनाललाई एक पत्र पठाउँदै ‘पूर्व अर्थमन्त्री पाण्डेले पार्टीको नाम जोडेर युनिटीबाट करोडौँ रकम लिएकाले त्यसको पारदर्शिताको माग’ गरेका थिए । यो खबर स्वयं एमाले निकट साप्ताहिक ‘बुधबार’ले नै छापेको थियो ।
स्रोतका अनुसार युनिटी प्रकरणमै ३० महिना तीन दिन जेल बसेर ३७ लाख धरौटीमा रिहा भएका एमाले कार्यकर्ता पाठकले पार्टीसमक्ष बुझाएको एक ‘अनुरोध पत्र’मा एमालेको बुटवलमा सम्पन्न आठौँ महाधिवेशनमा पूर्वअर्थमन्त्री पाण्डे र युनिटीका चार्टर्ड एकाउन्टेन्ट कृष्ण पनेरुमार्फत एमालेलाई तीन करोड ५० लाख बुझाइएको, पाण्डे अर्थमन्त्री भएपछि पार्टीलाई सहयोग भन्दै दुईपटक ५०–५० लाख गरी एक करोड बुझाइएको र पार्टीका केन्द्रीय सदस्यहरूका लागि भन्दै ३३ थान अत्याधुनिक ल्याबटप दिइएको दाबी गरिएको थियो ।

प्रतिक्रिया दिनुहोस्