जनताले मन नपराउने काम जनप्रतिनिधीबाट नहोस्: प्रधानमन्त्री


काठमाडौ ३१ साउन । प्रधानमन्त्री केपी शर्मा ओलीले स्थानीय तहमा हुने गरेको भ्रष्टाचार,जनप्रतिनिधीले उपभोग गरेका सुविधाको बिषयमा चासो व्यक्त गरेका छन ।
गाउँपालिका राष्ट्रिय महासंघको प्रतिनिधी मण्डलसँग आज सिंहदरबारमा अन्तरक्रिया गर्दै प्रधानमन्त्री ओलीले यस बिषयमा चासो व्यक्त गरेका हुन ।
स्थानीय तहमा अनियमितता भएको,जनताका काम जनप्रतिनिधीले सहज ढंगले नगरिदिएको गुनासो धेरै आएकोले त्यस बिषयमा गम्भिर हुन जनप्रतिनिधीहरुलाई प्रधानमन्त्रीले आग्रह गरेका हुन ।
“कतिपय ठाउँमा मेयर,उपमेयर,अध्यक्ष,उपाधक्ष्यले महंगा गाडी किनेको,कतिपय वार्ड अध्यक्षले डोजर किनेर सडक बनाउने ठेक्का आफैं लिएका गुनासाहरु आएका छन् ” प्रधानमन्त्री ओलीले भने “तपाईंहरु जनप्रतिनिधी हो । त्यस कारण जनताले नरुचाउने काम नगर्नुहोस । जनताले जे चाउछन् त्यस काममा केन्द्रीत हुनु होस ।” कतिपय सुविधा कानुनले दिएको भनेर त्यसै अनुसार उपभोग नगर्न प्रधानमन्त्री ओलीले सजग गराएका छन । राजनीतिमा त्याग पनि महत्वपूर्ण भएको स्मरण गराउंदै त्यस्ता सुविधालाई अत्यावश्यक बाहेक अहिले त्याग गरेर जनताको मन जित्न प्रधानमन्त्री ओलीले आग्रह गरे ।
प्रधानमन्त्री ओलीले गाउँपालिकाका जनप्रतिनिधीलाई देश निर्माणको ठुलो जिम्मेवारी भएको बताए । प्रधानमन्त्री ओलीले गाउँपालिका दुर्गम ठाउँमा हुने,साधन स्रोतको कमी हुने भएकोले त्यहाँका जनप्रतिनिधीले धेरै चुनौतिमा काम गर्नु पर्ने बाध्यता रहेको बताए । “जतिसुकै चुनौति भए पनि देश निर्माणको जग भनेको तपाईंहरु नै हो ” प्रधानमन्त्री ओलीले भने “दुर्गमका बस्तीहरु,राज्यको सेवा सुविधा नपुगेका जनताहरुमा तपाईंहरुले नै सेवा प्रवाहगर्ने हो” प्रधानमन्त्री ओलीले भने “त्यस कारण देश निर्माणका लागि जनताले तपाईंहरुलाई ठुलो जिम्मेवारी दिएका छन् ।”
सुगम ठाउँहरु नगरपालिका र महानगरपालिकाहुने भएकोले त्यहाँकाजनप्रतिनिधीलाई केही सहजहुुने तर गाउँपालिकाहरुमा यस्तो स्थिती नुहने प्रधानमन्त्रीओलीको भनाइ छ । “दुर्गम भएर नै गाउँपालिकाभयो” प्रधानमन्त्रीओलीले भने “सुगम ठाउँ भएको भए नगरपालिका भइसकेकाहुन्थे ।”
स्थानीय तहका जनप्रतिनिधीका कामबाट जनताले प्रदेश र संघीय सरकारप्रतिको पनिधारणा बनाउने भएकोले आफ्नो आचरणमा बिशेष ख्यालगर्न प्रधानमन्त्रीले आग्रह गरे ।

प्रतिक्रिया दिनुहोस्