मुलुकको सार्वभौमिकता र अखण्डताका लागि एकताबद्ध हुन ओलीको आग्रह


२८ मंसिर । नेकपा (एमाले) का अध्यक्ष केपी शर्मा ओलीले किरात समुदायको मुख्य पर्व उधौलीका उपलक्ष्यमा शुभकामना दिँदै संविधानप्रदत्त अधिकारको व्यवहारमा कार्यान्वयन गराउन नेपालीबीचको एकता झनै अनिवार्य भएको बताएका छन् ।

आफूले लगाएको अन्नबाली पाकेपछि कुल देउतालाई चढाएर मात्र खाने संस्कृति रहेको उधौली पर्व प्रकृति र पितृको पूजा तथा वातावरण र पर्यावरणसँग पनि सम्बन्धित रहेको जनाउँदै उहाँले संविधानले सबै जातजाति, भाषाभाषी, धर्म र समुदायको सांस्कृतिक अधिकारको सुनिश्चितता प्रदान गरेको उल्लेख गरेका छन् ।

‘सदियौँदेखि एकताबद्ध रहँदै आएका हामी मुलुकको जटिल परिस्थितिमा अझै बढी एकताबद्ध हुनु आवश्यक छ । मुलुकको सार्वभौमिकता, अखण्डता र राष्ट्रिय एकताका निमित्त एकताबद्ध भएर अघि बढ्न उधौली पर्वले सबैमा प्रेरणा मिलोस्’ सन्देशमा भनिएको छ ।

प्रतिक्रिया दिनुहोस्