यूक्रेनमा चुनावपछि हास्य कलाकार जेलेन्स्की राष्ट्रपति पदमा विजयी हुने सम्भावनाः मत सर्वेक्षण


काठमाडौ, ९ वैशाख । यूक्रेनमा राष्ट्रपति चुनाव लगत्तै गरिएको मत सर्वेक्षणका अनुसार हास्यकलाकार कमेडियन वोलोदीमीर जेलेन्स्की भारी मतका साथ राष्ट्रपति पदमा निर्वाचित हुँदै छन्।

चुनाव लगत्तै गरिएको मत सर्वेक्षण अनुसार उनले ७० प्रतिशत भन्दा बढी मत प्राप्त गरेका छन्।

तीन हप्ता पहिले भएको पहिलो चरणको मतदानमा उनी सबैभन्दा अग्रस्थानमा थिए।

जेलेन्स्कीले यूक्रेनका राष्ट्रपति पेट्रो पोरोशेन्कोलाई चुनौती दिएका थिए।

आफ्नो हार स्वीकार गरिसकेका पोरोशेन्कोले राजधानी कियभमा समर्थकहरूलाई सम्बोधन गर्दै राजनीति भने नछोड्ने बताएका छन्।

‘म तपाइँहरूलाई कहिल्यै निराश बनाउने छैन,’ जेलेन्स्कीले समर्थकहरूलाई भने।

‘म आधिकारिक रूपमा राष्ट्रपति भइसकेको छैन। तर यूक्रेनको नागरिकको हैसियतले म सोभियत संघ पछि स्थापना भएका सबै राष्ट्रलाई भन्न सक्छु हामीलाई हेर। सबै कुरा सम्भव छ।’ बीबीसी

प्रतिक्रिया दिनुहोस्