‘सरकार पुनर्गठन र चुनाव सार्ने काम मान्य हुँदैन’ एमाले उपाध्यक्ष रावल


२४ असोज । नेकपा एमालेका उपाध्यक्ष भीम रावलले चुनावको मुखमा सरकार पुनर्गठन गरी चुनाव सार्ने काम भएमा आफूहरुलाई मान्य नहुने बताएका छन् ।

एमाले प्रदेश नं ७ को निर्णय सार्वजनिक गर्न आज धनगढीमा आयोजित पत्रकार सम्मेलनमा एमाले ७ नं प्रदेशका संयोजक समेत रहेका रावलले वाम एकताको आलोचना गर्नुभन्दा अन्य दलसँग गठबन्धन बनाएर अगाडि बढ्न काँग्रेसलगायत दललाई सुझावसमेत दिए ।

प्रतिनिधिसभा सदस्य निर्वाचनका लागि रावलको नाम कैलाली क्षेत्र नं २ र अछाम क्षेत्र नं १ बाट सर्वसम्मत सिफारिस भएको छ । बैठकले ७ नं प्रदेशबाट प्रतिनिधिसभा र प्रदेशसभाका उम्मेदवारको नामावली पनि केन्द्रमा सिफारिस गरेको छ ।

प्रतिक्रिया दिनुहोस्