हरेक जातिको आ–आफ्नै सांस्कृतिक मूल्य छः एमाले अध्यक्ष ओली


१ माघ । नेकपा (एमाले) का अध्यक्ष केपी शर्मा ओलीले मकर सङ्क्रान्ति तथा माघी पर्वका अवसरमा स्वदेश तथा विदेशमा रहेका सम्पूर्ण थारु समुदायलाई शुभकामना दिएका छन् । माघ १ गते मनाइने माघी पर्व थारु समुदायमात्रको नभई आम नेपालीको विशेष पर्व रहेको बताउँदै एमाले अध्यक्ष ओलीले शुभकामना सन्देशमा माघे सङ्क्रान्ति पर्वका रुपमा यसलाई सबै समुदायले कुनै न कुनै रुपले सम्झना गर्ने गरेको बताएका छन् ।

माघीलाई थारु समुदायले नयाँ वर्षका रुपमा समेत मनाउने गरेको उल्लेख गर्दै नेता ओलीले नेपाल १ सय २५ जाति र १ सय २३ भाषाभाषी भएको देश भएकाले देशमा बसोबास गर्ने हरेक जातिको आ–आफ्नै सांस्कृतिक मूल्य मान्यता रहेको चर्चा गरेका छन् ।

एक जातिको संस्कृतिलाई अर्को जातिले सम्मान गर्ने हाम्रो परम्परा नै रहेको बताउँदै अध्यक्ष ओलीले सरकारले माघी पर्वलाई राष्ट्रिय मान्यता प्रदान गरिसकेको परिप्रेक्ष्यमा आगामी दिनमा अपनत्वबोध हुने गरी भाषा, संस्कृतिको रक्षा र प्रवद्र्धनमा काम गर्ने बताएका छन् ।

माघी पर्वकै अवसरमा राष्ट्रपति विद्यादेवी भण्डारी, प्रधानमन्त्री शेरबहादुर देउवाले पनि शुभकामना व्यक्त गरेका छन् ।

प्रतिक्रिया दिनुहोस्