२०७१ बैशाख १ गते मेलम्चीको पानी उपत्यका आउने सपना अधुरै


३१ जेठ । मेलम्ची खानेपानी विकास समितिले आयोजनाको ८३ प्रतिशत काम पूरा भएको जनाउँदै १ वर्षभित्रै उपत्यकामा पानी आउने दाबी गरेको छ। कान्तिपुर दैनिकले खवर छापेको छ ।
खानेपानी आयोजनाअन्तर्गतका सुरुङ निर्माण, पाइप बिछ्याउने, पानी प्रशोधन केन्द्र निर्माण र पानी ट्यांकी निर्माणको आधाभन्दा बढी काम पूरा भएको उल्लेख गरेको छ।

समितिले एक वर्षभित्र उपत्यकामा मेलम्चीको पानी आइपुग्ने जनाएको छ। मेलम्ची खानेपानी आयोजनाका महानिर्देशक घनश्याम भट्टराईले सुरुङ खन्ने काममा सन्तोषजनक प्रगति भएको उल्लेख गर्दै २७ किमी सुरुङमध्ये १७ किमी खनिसकेको जानकारी दिए।

उनका अनुसार अब १० किमी मात्र सुरुङ खन्न बाँकी छ। यसअघि सरकारले २०७१ बैशाख १ गते उपत्यकामा पानी ल्याइपुर्याउने प्रतिबद्धता जनाएको थियो।

तर, भूकम्प र भारतीय नाकाबन्दीका कारण काममा ढिला भएको उनले बताए। सुरुङ निर्माणको ठेक्काको म्याद आउँदो असोजमा सकिँदैछ।

प्रतिक्रिया दिनुहोस्